Hani i 2 Robertëve është organizata më e vjetër e kulturës së pavarur në Kosovë, e themeluar në maj të vitit 1989. Fillimisht u hap si kafiteri brenda një pasazhi në formë tuneli me dhjetëra kafiteri, te kompleksi arkitekturor që u emërua Kurrizi, në lagjen Dardania të Prishtinës, dhe më vonë u zhvendos në hapsirën e njohur si Santea, në po të njëjtën lagje.
Kush e bën këtë han të marrë frymë? Zërat.
Këtu prezantohen ata që sjellin jetë, tension, ngrohtësi, revoltë: artistë, kuratorë, poetë, kritikë, muzikantë, aktivistë të butë.
Secili zë shfaqet si portret, si fragment, si dorë që ka lënë një shenjë.
